Emakumearen eguna

EMAKUMEENGANDIK IKASTEN

Martxoak 6an Emakumeen Nazioarteko eguna ospatu genuen. Aurten eguraldi euritsua izan zenez ikastetxeko frontoian batu ginen eta, bertan, manifestu bat irakurri genuen. Gizon eta emakumeek eskubide berdinak ditugula aldarrikatu genuen eta, horrekin batera, gure ikasleak berdintasunean hezi eta hazi nahi ditugula lau haizetara esan genuen.

Ikasturte honetan gure leloa “Emakumeengandik ikasten” izan da. Historian zehar beraien lorpenak ikustarazteko, gizartean ezagunak izateko eta eredutzat hartzeko borrokatu behar izan duten hainbat emakumeen biografiak landu genituen alfabetoko letra guztiak harturik eta jarduerari “Emakumeak Atik Zra” izena jarri genion.

Ikasle nagusiek testigua hartu zuten eta txikiagoekin elkarlanean, guztien artean, ibilbide bat osatu genuen ikastetxeko korridoreetan. Emakumeen izenak eta kolore morea bistan gelditu ziren.