Urtero lez, Pastoral batzordetik, ikasturte hasieran DBH-ko ikasleekin txangoak izan ditugu euren arteko elkarbizitza osasuntsua bultzatzeko, besteak beste, fedearen eta kristau baloreen bitartez.
DBH1-ekoek lehengoak izan dira esperientzia hau bizitzen. Gela erdiak erabaki zuen esperientzia hau bizitzea eta bertan bizi izandako giroa primerazkoa izan zen. Guztiok errepikatzeko gogoekin gelditu ginen eta ikasturte amaieran asteburu osoko egonaldia egiteko eskaera egin dugu. Orain, egonaldiaren zai gaude berriz primerako kristau elkarbizitza bizi ahal izateko.
