Martxoaren 22tik 25era DBH1 eta DBH2ko ikasleak, goiz-zoizetik, Villanúa izeneko herrira abiatu ginen, Huescan. Hiru orduko bidaia egin ondoren, lehenengo Jaca hirian gelditu ginen eta Ciudadela edo San Pedroko gaztelua bisitatu genuen. Den-dena ingeleraz azaldu ziguten eta XVI. mendean Felipe II.ak erakitzea agindu zuela ikasi genuen. Harrezkero Historian zehar hainbat erabilera izan ditu Ciudadelak eta gaur egun UNESCOko Ondare Historikoa bilakatu da. Bisita interesgarria izan zen baina gehien gustatu zitzaiguna bertan dagoen Miniaturen Museoa izan zen.
Eguerdi aldera Villanúa herritxora heldu ginen eta aterpetxeko irakasleek ongi-etorria eman ondoren, apurka-apurka, 3 edo 4ko taldeetan, logeletan banandu ginen eta jarraian, goseturik, bazkaltzera joan ginen.
Hemendik aurrera ingelerarekin loturiko programari hasiera eman genion. “Around the world” izenpean England, Scotland eta Ireland lurraldeetako historia, abenturak eta kulturan murgildu ginen. Baina jolasetarako denbora ere izan genuen eta gaua heltzen zenean batzutan alienak, beste batzutan zonbiak edo poliziak bihurtuz ondo pasatu genuen.
Argazkiak eta bideoak ikusteko sakatu Txipen gainean
