Apirilaren 1ean Zumaiara joan ginen Flysch ospetsua ikustera. Goizean autobusa hartu eta 9:05erako Zumaian geunden. Iristean, Flyscha nondik datorren, goizean zehar zer egingo genuen eta zein animalia ornogabe mota biltzen saiatuko ginen azaldu ziguten bi Anek.
Sarrera egin ondoren, Algorri hondartzara joan ginen, eta Flysch-aren formazio harrigarriak gertutik ikusiko genuen. Esplorazioan, itsas ornogabe asko bildu genituen, hala nola itsas izarrak eta ermitauak. Geroago, aurkitutako animaliak xehetasunez aztertu genituen, haien ezaugarriak behatuz eta habitatari buruz gehiago ikasiz.
Ariketa egin ondoren, bazkaltzeko etenaldi bat egin genuen eta, bukatzean, 14:50ak arte jolasean aritu ginen. Azkenik, Zornotzara itzultzeko autobusa hartu genuen, Zumaiako kostan ikasketa eta dibertsioz betetako eguna itxiz.
Adei Sotelo, DBH1
Argazkiak eta bideoak ikusteko Txipen gainean sakatu
