Lehenengo egunean, Notting Hill auzoa bisitatu genuen, auzo hau oso famatua da bertako etxeek daukaten kolore bereziengatik. Iluntzean paseo bat eman genuen Thames ibaiaren ertzean eta hurrengo egunetarako janaria erosi genuen. Honen ondoren hotelera itzuli ginen metroz, oso kantsatuta geunden eta.
Asteazkenean, Andrea deitzen dan gida batek bisita gidatu bat egin zigun Londresko lekurik ezagunenetan: Big Ben, Buckingham Palace… Guardien aldaketa ere ikusi genuen. Egun berean British Museum-era joan ginen, gero hainbat auzo famatu bisitatu genituen: Soho, Piccadilly Circus, Chinatown… Horren ondoren denboratxo bat utzi ziguten dendak ikusteko, adibidez Lego eta M&Ms dendak.
Ostegunean, beste bisita gidatu bat egin genuen, baina bisita horretan Londresko zubi garrantzitsuena, St Paul’s katedrala, Leadenhall merkatua eta beste hainbat toki bisitatu genituen. Arratsaldean Camden Town auzoa bisitatu genuen gure kontutik, libre nahi genuena ikusi ahal izateko.
Azken egunean, ostirala, Historia Naturalaren Museoa bisitatu genuen, eta bertan gynkana bat egin genuen taldeka. Museo horri buruz lan bat eginda genuenez, oso interesgarri egin zitzaigun bisita. Jateko orduan, taldea banatu egin zen, batzuk Westminster Abadiara joan ziren eta besteek denbora librea izan zuten. Arratsalde osoa libre ibili ginen Londresetik, metro txartelekin eskuan. Egun amaieran Londresko zubi ospetsuan elkartu ginen ilunabarra ikusteko. Bakoitzak nahi zuen tokian afaldu eta hotelera itzuli ginen maletak prestatzeko eta apur bat deskantsatzeko.
Argazkiak eta bideoak ikusteko Txipen gainean sakatu
